www.erjuz.blogspot.com

Sengkalan

            Sengkalan yaiku panulisan angka taun nganggo tembung utawa ukara. Panulisan sengkalan diwiwiti nalika pulo Jawa ngadeg. Panulisan sengkalan upamane kanggo mengeti dina lair, mantenan, ngedegake omah, kedadeyan kang dianggep penting, lsp.

             

 Sengkalan kaperang dadi 2, yaiku:

-          Candra Sangkala: panulisan angka taun bulan (Tarikh Komariyah), upamane Taun Jawa.

-          Surya Sangkala: panulisan angka taun srengenge (Tarikh Syamsiyah), upamane Taun Masehi.

Nanging ora ana babagan kang wigati kanggo mbedakake Candra Sangkala lan Surya Sangkala.

Jenising sengkalan ana 2, yaiku:

-          Sengkalan Lamba: wujude tembung utawa ukara.

-          Sengkalan Memet: wujude gambar, simbol, prasasti, wewangunan.

Panulisan sengkalan diwiwiti saka mburi (diwalik), tuladha:

-          Pandhawa muksa trus manunggil = 1905

        5            0       9         1

-          Kanthi pancasila trus manunggal = 1952

     2           5          9         1

-          Atmaja hyang giri nata = 1791

     1          9       7    1

-          Karya tan ngesti warna = 1804

    4      0       8        1

Tembung kang nduweni watak angka, upamane:

a.       Angka 1: tunggal, Gusti, janma, semedi, badan, nyata, candra, wiji, lsp.

b.      Angka 2: asta, kalih, swiwi, paksa, gandheng, paningal, soca, kanthi, lsp.

c.       Angka 3: katon, murub, dahana, lir, geni, guna, jatha, nala, kaya, lsp.

d.      Angka 4: catur, warna, warih, udan, karya, segara, wedang, udaya, lsp.

e.       Angka 5: pandhawa, wisikan, gati, guling, raksasa, diyu,  jemparing, lsp.

f.       Angka 6: rasa, nenem, oyag, obah, nem, kayu, sad, mangsa, anggana, lsp.

g.      Angka 7: sapta, acala, giri, resi, wiku, titihan, jaran, ardi, biksu, lsp.

h.      Angka 8: astha, esthi, bebaya, kunjara, brahmana, taksaka, tekek, lsp.

i.        Angka 9: bolong, nawa, lawang, kori, arum, gandha, kusuma, lsp.

j.        Angka 0: musna, sirna, ilang, kombul, swarga, tanpa, pejah, mati, lsp.