Wangsalan
Wangsalan yaiku unen-unen saemper cangkriman (bedhekan) dene
batangane (isine) kesrapat ing kono.
1.
Wangsalan
Lamba: batangane mung siji.
Tuladha:
Pindhang lulang, kacek
apa aku karo kowe. (pindhang lulang = krecek)
2.
Wangsalan
Rangkep (Camboran): batangane luwih saka siji.
Tuladha:
Apuranta, yen wonten lepat kula.
(apu = sepat)
3.
Wangsalan
Memet: batangane digoleki kanthi ngonceki tembung dibaleni ping pindho.
Tuladha:
Uler kambang, yen trima alon-alonan.
(uler kambang = mlakune alon)
4.
Wangsalan
Padinan: batangane bisa disebut utawa ora merga wong-wong wis padha ngerti karepe.
Tuladha:
Wong kae sakjane krungu
kandhaku, nanging njangan gori. (njangan gori = gudheg = tegese budheg).
5.
Wangsalan
mawa Paugeran
-
Paugeran
4 wanda + 8 wanda = reca kayu, goleka kawruh rahayu.
(reca kayu = golek).
-
Lan
paugeran liyane.
6.
Wangsalan
ing Tembang
Tuladha:
Ing tembang sinom: edane wong keneng guna,
ambatik sinambi nangis, malam wutah
balabaran, geni mati muring-muring, prembejan mrebes mili,gawangan sinendang putung, ja talah ta si kakang,
puluh-puluh awak mami, petis manis wis kudu dadi pocapan. (petis manis = kecap)
Tuladha wangsalan:
1. Jenang gula, kowe aja lali.
(jenang gula = glali)
2. Mbalung janur, gelema
paring usada (balung janur = sada)
3. Roning mlinjo, yen sayah
nyuwun ngaso. (ron mlijo = so)
4. Klapa mudha, yen kelegan
paring pangapura. (klapa mudha = degan)
5. Sekar aren, sampun dangu
boten kepanggih. (sekar aren = dangu)
Tidak ada komentar:
Posting Komentar