Wilujeng Rawuh
Nuwun,,,
Blog punika ngewrat babagan ngelmu Basa Jawi
kanthi prasaja kagem nyengkuyung kawruh para kadang, sutresna Basa Jawi supados
mujudaken satunggaling gegayuhan kagem mbudidaya, ngudi, kawruh, memetri,
ngleluri miwah nguri-uri Basa, Sastra, lan Budaya Jawi.
Mangertosi
kawruh Basa Jawi mboten ndadosaken badhe kuciwa amargi awit kathah sanget atur
saha pitutur, wewarah saha wewaler, ingkang arupi sandhi, sasmita miwah
pralambang ingkang kaserat ing tembang, parikan, sesanti, bebasan, saloka,
ringgit purwa, sekar macapat, geguritan, lan ugi sanes-sanesipun. Pramila
sedaya sasmita kalawau mugiya saged migunani kawedharan menawi kula lan
panjenengan mengertosi sanadyan namung tetesing kawruh Basa Jawi.
Sinaosa
namung sakedhik ing kasedyan, sageda ngewrat ngelmu Basa, Sastra, lan Budaya
Jawi ing alam bebrayan pagesangan kula lan panjenengan. Namung kabekta saking
gregetipun penggalih, ingkang nggadhahi sedya ndherek pambiyantu ndamel
mekaripun warisan leluhur ingkang trep, sarujuk, ngresemaken manah keranten
sampun jumbuh kaliyan penggalihipun tiyang Jawi mliginipun lan sumrambah tiyang
Nagari Indonesia.
Pangimpun
rumaos ingkang kadhapuk punika taksih kathah saking kasampurnan nanging caket
kaliyan kakirangan, kalepatan, saha kajangkepan. Pramila mekaten, urun rembug
sarta panyaruwe ingkang sae supados ndadosaken BLOG punika langkung prayogi
tumuju kasampurnan ingkang saestu.
Matur
nuwun.
Katresnan
ing Penggalih, 1 Juni 2015
Atur
Sembah Sungkem Kula
Pandhapuk,
erjuz
Enget-enget:
Menawi wonten
format seratan ingkang mboten trep, kula nyuwun agunging sih pangaksami
keranten format Microsoft Word saha format Blogger (Website) bentenipun tebih
sanget.
