www.erjuz.blogspot.com

                     Jenising Ukara

  

1.      Ukara Carita: nyritakake utawa ngandhakake sawijining bab, kedadeyan, kahanan marang wong   liya.

-          Saben wulan Mulud ing Yogyakarta mesthi ana sekaten.

-          Ing ndalan akeh banget ana kacilakaan.

-          Yen kadeleng saka Gedhong Sanga, Rawa Pening pancen katon apik.

2.      Ukara Pakon: mrentah supaya wong liya nindakake sawijining pakaryan.

a.  Pakon Lumrah:

§  Awas sing ngati-ati!

§  Wis enggal digarap.

§  Cepet ngumpeta.

§  Ndang panganen.             

b.  Pakon Pamenging:

§  Kowe ora kena dolan yen durung sinau.

§  Bocah sekolah ora pareng ngrokok.

§  Aja rame-rame simbah lagi sare.

§  Aja mangan ing ngarep lawang.

c.  Pakon Pangajak:

§  Awake dhewe saiki leren dhisik.

§  Yen kepengin makmur, kowe kudu jujur.

§  Ayo padha mampir nggonku dhisik.

d.  Pakon Panantang:

§  Yen pancen kendel, bocahe kon turu ing kuburan.

§  Antemen yen pancen kowe wani.

§  Cabuten tulisan kuwi yen kowe pengin dikamplengi wong.

e.  Pakon Paminta:

§  Dhik, tulung cendhelane ditutup wae.

§  Adhimu kae mbok diwarai nulis aksara jawa.

§  Jupukna buku  kuwi.

3.      Ukara Pitakon: surasane awujud pitakon.

a.  Pitakon Lumrah:

§  Kok rame-rame iki ana apa?

§  Saiki wis jam pira?

§  Omahmu ing ngendi?

§  Apa tegese paramasastra?

b.  Pitakon Retoris (ora mbutuhake wangsulan):

§  Sapa sing kepengin ora munggah kelas?

§  Sapa sing kepengin urip mlarat?

§  Iki ta daleme Pak Teguh?

c.  Pitakon Paminta:

§  Yen leren dhisik piye?

§  Kados pundi menawi panjenengan tindak rumiyin?

§  Kowe mathuk ora yen awake dhewe saiki besanan wae?

4.      Ukara Sambawa: ukara kang surasane pangarep-arep, saupama, sanadyan.

a.  Pangarep-arep:

§  Panasa supaya klambiku garing.

§  Udana sing deres ben sawahku ora garing.

b.  Saupama:

§  Mrenea awit mbiyen kowe ora kapiran.

§  Sugiha dhuwit aku wis gawe omah.

c.  Sanadyan:

§  Diwenehi klambi apik ya ora tau dianggo.

§  Ditangisi sedina sewengi, wong mati ora urip maneh.

§  Dikandhani ping bola-bali ya ra tau nggugu.

5.      Ukara Sananta: surasane niyat, karep, sedya.

-          Sesuk awan aku arep ngepek degan.

-          Kareben munnggah sekolah, sinau sing temenan.

-          Tinimbang ndomblong, ngresiki mburi omah.